35 градусқа дейін аяз болады

30 қаңтар. Нұр-Сұлтан. Sunna.kz – Қазақстанда 30 қаңтар мен 1 ақпан аралығында 35 градусқа дейін аяз болады, деп хабарлады «Қазгидромет» орталығына сілтеме жасаған sunna.kz тілшісі.

«Алдағы үш күнде ауа райы жауын-шашынсыз болады. Солтүстік, орталық және шығыс облыстарда түнде 25…30°С, кей жерлерде 35°С аяз болады. Оңтүстік және оңтүстік-шығыста түнде 5…10°С, кей жерлерде 13…22°С аяз болуы ықтимал. Ал батыс өңірлерге жылы атмосфералық ауа ағындары ауысып, жаңбыр, қар аралас жаңбыр жауады және ауа температурасы бірден көтеріледі», - делінген хабарламада.