Жаңалықтар
«Тәуелсіз ел» додасы
Бүгін Нұр-Сұлтан қаласы «Сәдуақас қажы Ғылмани» мешітінде Тәуелсіздік күніне орай «Тәуелсіз ел» атты шара ұйымдастырылды. Онда «арқан тартыс», «бұқа тартыс», «зіл көтеру» сияқты сайыстар өткізілді. «Туған ел – әр адамның түп қазығы» тақырыбында жұма уағызын тыңдап, жұма намазын өтеп шыққан жамағат әр додаға қатысуға тырысты.
Қатысушылар өз ризалықтарын білдіріп: «Сайстар өте қызықты. Жамағаттың ынтымағы мен бірлігін арттыратын осындай жарыстар жиі болып тұрса екен» - деген тілегін айтты.
Соңында Бас имам Бауыржан Есмахан қатысушыларға алғысын айтып, жеңімпаздар мен жүлдегерлерді бағалы сыйлықтармен марапаттады.
«Сәдуақас қажы Ғылмани» мешітінің баспасөз қызметі
