Мешітте алғашқы тарауық намазы оқылды

Рамазан айының басталуына орай, ел мешіттерінде тарауық намазы басталды.

Осыған орай, елордадағы тарихи құлшылық ордасы – «Сәдуақас қажы Ғылмани» мешітінде алғашқы тарауық намазы оқылып, хатым басталды.

Бас имам Руслан Байзақов жамағатты Рамазан айының келуімен құттықтап, қасиетті айдың мән-маңызына, осы айда атқарылар айырықша құлшылықтарға тоқталды. Жиналған елордалық ағайынды биылғы жылғы Рамазан айына орай мешітте өтетін іс-шаралар легімен құлағдар етті.

Тарауық намазына жиналған жұртты арнаулы бағыттарға қатынайтын автобустар үйлеріне жеткізіп салды.