НАИБ МҮФТИ АРЫСТЫҚ ЖАМАҒАТПЕН ЖҮЗДЕСТІ
ҚМДБ Төрағасы Серікбай Ораздың тікелей тапсырмасымен наиб мүфти Бауыржан Есмахан Арыс қаласына арнайы келді. Алдымен жарылыстан зардап шеккен “Алтай қызы Құралай” мешітінің жағдайымен танысты.
Related Posts
Бұл мешітте әкімдіктің штабы құрылған. Барлық терезесі шағылған.
Атыраулықтар мешіт пен сол жердегі 400-ге жуық үйді жөндеп береді. Бауыржан Есмахан Атырау облысы әкімінің орынбасарымен сұхбаттасып, алғыс білдірді.
Наиб мүфти Жұма уағызында арыстық жамағатпен жүздесті. “Қайырымдылық қайырлы – іс” тақырыбында насихат айтты. Бас Мүфтидің сәлемін жеткізді.
Жұма намазын өзі жүргізді. Жергілікті жамағат Төраға орынбасарына ризашылықтарын білдіріп, қиындықта дін қызметкерлерінің орталарынан табылып жатқанына қуанып қалды.
Бауыржан Әбдірашұлы намаз соңынан ақсақалдармен тілдесті. Арыс қалалық орталық “Ысқақ” мешітінде өкілдік атынан шүкіршілікке ас берілді.
