Сәдуақас қажы Ғылмани мешітінің ресми сайты

Мешітімізде хатым Құран басталды (фото)

0 795

Get real time updates directly on you device, subscribe now.

6-мамыр /SUNNA.KZ/ – Қасиетті Рамазан айында оқылатын Тарауық намазының басталуымен, басты мешіттерде Құран Хатым оқыла бастады.

Айлардың сұлтаны болған  қастетті Рамазан айының халық арасында «Құран айы» деген де кеңінен танылған екінші атауы бар. Яғни, бұл айдың қасиетті кітабымыз Құран Кәріммен байланысы ерекше. «Қадір» сүресінің 1-аятында:«Ақиқатында Біз оны Қадір түнінде түсірдік», дейді. Құран Кәрім осы айдың ең қасиетті түнінде уахи етіліп, түсе бастаған. Қасиетті айдың «Құран айы» деп аталуы да ең әуелі адамзат тарихындағы осы бір елеулі оқиға байланысты.

Әр жылдың Рамазан айында Жәбірейіл (ғ.с.) Пайғамбарымыз Мұхаммедтың (с.ғ.с.) қасиеттi Құранды дұрыс, рет-ретiмен жаттауын тексеретiн болған. Яғни, Алла Елшісі (с.ғ.с.) уахиды жеткізуші, ұлық періштенің бірі Жәбірейілге (ғ.с.) Құранды Хатым етіп тапсыратын болған. Бұл да адамзат тарихында алтын әріптермен жазылуға тиісті өнеге, ғибраты мол айырықша оқиға. Рамазан айы осысымен де ерекше.

Тарихи деректерге сүйенсек, мазһабымыздың көшбасшысы, ұлық имам Әбу Ханифа Рамазан айында Құранды бірнеше мәрте хатым еткені айтылады.

Қасиетті Рамазан айында ҚМДБ-ның бастамасымен, еліміздегі барлық қарилар республиканың басты қалаларында болып, ай бойы Құран хатым етеді. Бұл игі бастама «Сәдуақас қажы Ғылмани» мешітінде де өз жалғасын табуда. Бас имам Нұрлан Рмазанов ай бойы қатым оқитын қариларды жамағатқа «Көктөбе» қарилар орталығының түлегі, көптеген республикалық һәм халықаралық Құран жарыстарының жүлдегері Қайырбай Дәукенұлы және қари Елсейд Мұхаммед Ахмет Мұхаммед қатарлы қарилерді таныстырып өтті. Аталмыш қарилар ай бойы Құран хатым етеді деп күтілуде.

Аты-жөні: Қайырбай Даукен

Туған жылы: 05.09.1990ж.

Азаматтығы: Қазақстан Республикасы

«Көктөбе» қарилар орталығының түлегі

Аты-жөні: Elsayed Mohamed Ahmed Mohamed

Туған жылы: 09.12.1967ж.

Азаматтығы: Егепит Араб Республикасы

Қызмет орны: Астана медресе коледжі

 «Сәдуақас қажы Ғылмани» мешітінің баспасөз қызметі

Get real time updates directly on you device, subscribe now.

Пікір жазу

Поштаңыз сыртқа жарияланбайды.