Шәкірттер “Хасеки” академиясына оқуға аттанды
Елордада Бірінші наиб мүфти Наурызбай қажы Тағанұлы «Хасеки» академиясына қабылданған шәкірттермен кездестіп. Білім сапарына аттанған шәкірттерге батасын беріп, сәттілік тіледі. Кездесуге, Түркия Республикасының Нұр-Сұлтан қаласындағы елшілігінің Дін істері жөніндегі кеңесшісі Галип АКЫН, ҚМДБ Аппарат жетекшісі Ғылымбек Жәдігерұлы, ҚМДБ Діни білім және кадр дайындау бөлімінің меңгерушісі Бейбіт Мырзагелдиев қатысты.
Related Posts
Айта кетейік, Түркия Республикасы Дін істері басқармасы мен Қазақстан мұсылмандары діни басқармасының діни қызмет саласындағы ынтымақтастық туралы 2007 жылғы 29 қазандағы келісім негізінде қазақстандық шәкірттер 2014 жылдан бері Хасеки академиясында діни білімдерін жетілдіріп келеді. Биылғы 2019-2020 оқу жылына аталмыш академияға 18 шәкірт қабылданды. Қазіргі таңда 43 тәлімгер білім алуда.
