ҚМДБ Төрағасы Әли Ербашпен кездесті

Қазақстан мұсылмандары діни басқармасының төрағасы Наурызбай қажы Тағанұлы түркі мемлекеттерінің «Мүфтилер алқасы» аясында Түркия Дін істері басқармасының төрағасы Әли Ербашпен кездесті.

Кездесуде түркі мемлекеттерінің ынтымақтастығын арттыру мәселесі сөз болды.

«Шақыртуымды қабыл алып келгеніңіз үшін Сізге тағы да ризашылық ниетімді жеткіземін. Алла разы болсын! Түркі мемлекеттерінің «Мүфтилер алқасы» игі істерімізге серпін береді деген сенімдемін» деп атап өтті Наурызбай қажы Тағанұлы.

Өз кезегінде Әли Ербаш: «Өзіңіз жақсы білесіз, түркі мемлекеттерінің президенттері Стамбұл қаласында бас қосып, ортақ мүдде жолында ынтымақтастықты арттыруға келісті. Президенттеріміздің бұл бастамасына дін қайраткерлері үн қосып, қолдау көрсетуде. Соның нақты айғағы ретінде Түркістанда өтіп жатқан «Мүфтилер алқасын» айтуға болады. Бұл бастама халықаралық деңгейдегі ізгі іс-шараларға ықпал етеді» деді.

Кездесу соңында тараптар бауырлас елдердің діни саладағы байланысын нығайтуға уағдаласты.