Әйелдер жамағатны «Рамазанға рухани дайындық» семинары өтті

«Сәдуақас қажы Ғылмани» мешітінде жамағатты Рамазанға дайындауға арналған семинар өтті.

Бас имам Руслан Байзақовтың бастамасымен қолға алынға «Рамазанға рухани дайындық» атты семинар жалғасуда.

Әйел-қыздар жамағатына арналған кезекті семинарда мешіт ұстазы Айгүл Көксеген жүргізді.

Сауатты жамағат қалыптастыру мақсатында өткізілген семинар аясында ниет, жан-дүниені өкпе, реніштен тазарту, кек сақтамау, уақытты жүйелеу, жақсылық жасау т.б мазмұндар төңірегінде жамағатқа құнды мәліметтер берілді.

Сонымен бірге, оразаға байланысты жамағаттың көкейінде жүрген сұрақтарына жауап берілді.