Қайырымдылық керуен жолға шықты
26 қазан. Нұр-Сұлтан. Sunna.kz – Қазақстан мұсылмандары діни басқармасының 30 жылдық мерейтойы қарсаңында «Жүрекке жылу» және «Біз біргеміз» акциялары бойынша мұқтаж отбасыларға көмек берілді, деп хабарлайды ҚМДБ-ның баспасөз қызметіне сілтеме жасаған Sunna.kz тілшісі.
Талдықорған қаласында ұйымдастырылған «Қайырымдыл керуеніне» ҚМДБ төрағасы, Бас мүфти Наурызбай қажы Тағанұлы арнайы қатысып, игі іске ұйытқы болған имамдарға ризашылығын білдірді. Өзі де қаладағы мұқтаж отбасыларға арнайы барып, сый-сияпатын жасады.
Сонымен бірге Бас мүфти «Қайырымдылық керуеніне» атсалысқан жомарт жандарға алғыс хат табыстады. Айта кетелік, осы игі шарада 10 тонна көмір мен 11 тонна азық-түлік дайындалып, тұрмысы төмен және көпбалалы отбасылардың үйлеріне жеткізіліп берілді.
