«Құмар ойын жарға жығады» тақырыбында дәріс оқылды (фото)

«Сәдуақас қажы Ғылмани» мешітінің ұстазы Жайыров Ерасыл 64 уақытша тергеу мекемесінде жеке құрамға «Құмар ойын-жарға жығады» тақырыбында дәріс жүргізді.

Насихат барысында мешіт ұстазы:

«Адам баласын екі дүниеде де зиянға ұшыратып, бақытсыздыққа жол бастаушы рухани дерттің бірі құмар ойынды ойнау. Алла қасиетті Құранда «Уа иман келтіргендер, арақ-шарап, құмар, табынуға арналған пұттар және жебелермен пал ашу шайтанның амалы сналатын лас істер. Ендеше одан аулақ болыңдар. Мүмкін құтыларсыңдар», деп айтқан. (Мәйда сүресі 90-аят) Аятта құмар ойнауды «лас» істеп айтуы және шайтанның ісі деп аталуы жайдан-жай емес. Себебі шайтанның басты мақсаты адамды азғырып азапқа душар ету. Ал аяттың «Мүмкін құтыларсыңдар»,-деп аяқталуыда тегін емес. Себебі құмар ойындарын тастау, оған алып баратын себептерге жоламау, одан құтылуға бір қадам болса да жеңіл болады. Ал енді осындай жағымсыз әдеттен арылған кісі мақсатына жетеді», - деп дәріс тыңдаушыларды ізгілікке шақырды.

sunna.kz