Меккеде алғашқы медициналық көмек көрсету орталығы жұмыс істеуде (фото)

Қазақстан Қажылық миссиясының өкілдері Мекке қаласында алғашқы медициналық көмек көрсету орталығының жұмысымен танысты.

Наиб мүфти Кенжетай Байкемелұлы бастаған миссия өкілдері дәрігерлік ем-шара кабинетінің жұмыс барысымен, сонымен қатар қазақстандық қажылар үшін арнайы елден жеткізілген отандық дәрі-дәрмектер тізімін көріп шықтты.

«Қажылардың денсаулығын қадағалау, оларға дер кезінде дәрігерлік көмек көрсету – Қажылық миссиясының негізгі жұмыс бағыттарының бірі. Сондықтан бұл саладағы жұмыстарды тиянақты түрде жауапкершілікпен орындауымыз керек. Осы ретте қажылар арасында түсіндіру іс-шараларын жүргізу аса маңызды. Ауырып ем іздегенше, ауырмайтын жолды іздеуге көмектесуіміз керек» деді Кенжетай Байкемелұлы.

Айта кетейік, Қазақстан қажылық миссиясының құрамындағы білікті ер және әйел дәрігерлер, сондай-ақ 15 туроператордың әрқайсында бір дәрігер қажылардың денсаулығын қадағалайды.